Z Města/Cottbus. Stwórtk tyźeń jo była prědna fachowa konferenca ceptaŕkow za serbšćinu w šulskem lěśe 2020/21, a to w klubowni Dolnoserbskego internata. Teke młoge gósći, mjazy drugim Christina Kliemowa wót Serbskego muzeja Chóśebuz a Anna Kosacojc-Kozelowa, zagronita za nastupnosći Serbow města Chóśebuza, su směli w tom ramiku powědaś. Ta zagronita jo mjazy drugim se za to wugroniła, až co digitalizaciju teke za serbsku wucbu a serbsku rěc doprědka spóraś, a jo pokazała na dobru powěsć: Serbski swěźeń jo źe korony dla wupadnuł. Ale sponsory su dowólili, až te spěchowańske srědki za to se hynac wužywaju, rozmjej za materialije za serbsku wucbu we sedym šulach w nosaŕstwje Města. Połojca šulskich wjednikow jo mjaztym na to wótegroniła.