Na tom slědnem swěźenju w ramiku festiwala jo mjazy drugim Zeka Nikolić wustupił, ako jo tek cytanjeju 10. septembra muzikaliski ramik dał. Wón póchada ze Serbiskeje a juž někotare lěta w Lipsku bydli. Foto: Maks Bagańc 
Z Lipska/Leipzig. Pšawa familiarna atmosfera jo se sobotu, 12. septembra, zwignuła, ako jo festiwal LATCHO DIVES w Lipsku do kóńca pśišeł. Milne wjedro jo gósći na łuce, mjazy galeriju za pśitomnostne wuměłstwo a „Wiener“-twarjenje HTWK, ceły wjacor zwjaseliło. Teke pód napšawami korony jo mań luźi dermotne zarědowanje woglědała a, za jano mału šarapatku, stanka za piśa a jězu frekwentěrowała.
Mimo togo su gósći teke wótměn-jaty program na rozdźělnych kulturelnych „kupach“ spóžywali, kenž jo mjazy drugim wopśimjeł cytanja, reje, baslowańsku staciju za źiśi a muzikaliske pśedstajenja, na pśikład zasej raz wót lipšćańskich Gipsy Kings.
