Z Lipska/Leipzig. Daloko pšec wót romantiskeje kulise lipšćańskego centruma, mjazy platowymi twarjenjami a w realiśe problematiskego měsćańskego źěła Grünau, jo mócnaŕstwo „cygańskich kralow“. Młode wuměłce powědanego spiwanja Sabri Si Mix, Daco MC, MC Yaya a DJ Mario zwězujo lěta dłujke pśijaśelstwo.

Wšykne su pśed jadnab źaseś lětami do Nimskeje pśišli, źělnje z Makedońskeje, a su 2017 kupku „Gipsy Kings“ załožyli, kótaraž njedajo se – pśipódla gronjone – zaměniś z francojskeju salsa-band „The Gipsy Kings“.

„Wir haben früher gemeinsam in einem Leipziger Heim gewohnt. Da haben wir als Kinder oft draußen Fußball oder Murmeln gespielt und uns kennengelernt. Wir waren jeden Tag draußen, waren auch 5 Jahre lang im Team vom FC United hier in Leipzig. Irgendwann haben wir damit aufgehört und öfter auf der Straße mit einer Musikbox Freestyle-Rap gemacht. Kurz darauf kamen wir alle auf die Idee eine gemeinsame Gruppe zu gründen“, wulicujo MC Yaya, kenž jo woblico kupki a teke znaty pód mjenim Boss Yahiroos.