Z Bórkow/Burg. Za wobgóspodarjenje Błośańskeje biblioteki Mina Witkojc wudawa amt Bórkowy wjele pjenjez, a licba wužywarjow jo „pśewidna“. Něnto se diskutěrujo wó zacynjenju teje biblioteki.

We gmejnach amta Bórkowy źo papjera wokoło, kótarež informěrujo wó „Zukünftige Ausrichtung der Spreewaldbibliothek Mina Witkojc in Burg“. Njejźo how wó mjenjej ako wó dalejwobstaśe biblioteki. Z lětnymi proznymi pjenjezami (Jahresfehlbetrag) we wusokosći 75.000 euro a małeju licbu wužywarjow – jano 260 – jo ta knigłowa wupóžycowaŕnja amtoju mjaztym pśedroga wordowała.