Ze SLěpego a Rownego/Schleife und Rohne. Wokoło sto luźi jo se slědnu njeźelu wobźěliło na gólnem špacěrje pśi wuglowej jamje Wochozy/Nochten. To jo była akcija ZELENEJE LIGI wobswětoweje kupki Chóśebuz z.t. Z tym rozchójźenim su wóni to pominanje pódšmarnuli, až wuglowa jama dej dosć wjeliki wótstawk k susednym jsam doźaržaś. Powědali su pótrjefjone z Dolneje Łužyce a teke pśirodowědnik z Rheinlanda Michael Zobel, kenž jo za gólne špacěry w Hambachskej góli znatosć dojśpił. Wón jo kritizěrował wótwlěkajuce wótstupjenje wót brunice a jo gronił, až za gólu w Nimskej jo aktualna wódna a klimowa kriza južo źinsa katastrofa. Stakim z jogo wida se wupłaśijo, za kuždy kwadratowy mejtaŕ góle wójowaś.