Z Města/Cottbus. Slědny pětk jo było wjelike zmakanje towaristwa Euroregion Sprjewja-Nysa-Bobr. Wobstoj ako jaden wót styri euroregionow spóromje nimsko-pólskeje granice wót lěta 1993 a se za to zasajźujo, až problemy granicowego regiona se pśewinu. Wóni se tek waže Serbow ako rěcne a kulturne pósrědniki, a Domowina se ako jich towaristwowy cłonk aktiwnje do jich źěłow zapśěgnjo.

Na zgromaźinje cłonkow nimskego nosaŕskego towaristwa Euroregiona Sprjewja-Nysa-Bobr z.t. stej se pětk we amśe wobkšuśiłej Harald Altekrüger, krajny raźc wokrejsa Sprjewja-Nysa, ako prezident togo euroregiona, a Holger Kelch, chóśebuski wušy šołta, ako jogo zastupnik. Pótom jo se wótměło z wušej sto zastupnikami z Euroregiona Sprjewja-Nysa-Bobr pósejźenje rady togo euroregiona. Tam su se sajźili wažne zakłady za pśichodne nimsko-pólske gromadne źěło. Su wobkšuśili nowy wuwijański a jadnański koncept „Vision 2030“, ako dej byś směrnica za spěchowańsku periodu EU