Z Lubina/Lübben. To njejo se hyšći žednje stało! Zwězkowe pśedsedaŕstwo Domowiny jo slědny tyźeń pětk wjacor wobradowało na jadnom městnje, źož se howacej zmakaju cłonki wokrejsnego sejma. Cłonki Domowniskego pśedsedaŕstwa z Górneje a Dolneje Łužyce ga su byli tenraz k swójomu 17. pósejźenju kazane do Lubina, do wokrejsnego města wokrejsa Damna-Błota (LDS), do tamnego doma wokrejsnego zastojnstwa.