Maks Bagańc z Lipska jo napisał: Pód sugestiwnym pšašanim, lěc „Su jano [...] ,Reichsbürger‘ na tej demonstraciji“ Querdenken w Barlinju byli, jo interview z Nancy M. w slědnem Casniku wujšeł a musym pśiwdaś, až som se górił. Njejsom se górił z teje pśicyny, až zwuraznijo skobodna maś kaž Nancy M. raz za wšyknych toś tu trjebnu „wěrnosć“, kótaruž wótźaržuju te „złe politikarje“. Som se wósebnje górił, dokulaž mań luźi argumentěrujo pó samskej wašni a wobslěpja stakim towarišnostny diskurs wó nowej pandemiji, kótaraž jadnorje njedajo se najadno stajiś z gripu! Som se mimo togo drjažnił, až wótśišćujo naš Casnik taki problematiski pśinosk njekomentěrowany.