Z Trjebina/Trebendorf. Pó nowozałoženju Domowiny krotko pó Drugej swětowej wójnje w lěśu 1945 bu załožona Domowinska kupka Trjebin. Dokradny datum załoženja kupki njejo znaty a awtentiskich dokumentow z tog casa lěbda dajo. Weto su cłonki, kenž statkuju juž pór lětźasetkow. W nadawku „Nowego Casnika“ jo se Jost Schmidtchen rozgranjał z Angeliku Balckoweju (Balzke) – wjednica teje Domowinskeje kupki wót 2008.

Kněni Balckowa, co dopomina hyšći na zachopjeńk pśed 75 lětami?

Wěmy jano, až jo załoženje Domowinskeje kupki Trjebin nawjedował Matej (Matthäus) Pawlo. Wjele wěcej njejo z pśedlažecego protokola zwěsćiś. Na napšašowanje župy Běła Wóda/Niska jo nam Serbski institut 18. julija 2005 wobkšuśił, až bu kupka załožona 1945.

Trjebinska kupka ma dłujkolětne cłonki. Pomjeńśo nam nejstarše.