Z Města/Cottbus. W spominanju na 75-lětnu wrośenicu chyśenja atomoweju bombowu na japańskej měsće Hiroshima a Nagasaki jo se wuswěśił w Chóśebuzu 16. awgusta 2020 měrowy słup (Peace pole/Friedenspfahl) z japańskim, engelskim, nimskim a prědny raz tež ze serbskim napisom pó bibliskem gronje (Lukas 2, 14) „Daś buźo měr na zemi“. Pśizamknułej stej se wjeźenje pó wustajeńcy „Spominanje na pśichod. Wót Hiroshimy & Nagasaki až do źinsnajšnego“ a diskusijne rozgrono někotarych wót tych iniciatorow. Na njom su se wobźělili Anja Mewes, pśedsedaŕka Towaristwa měrowych zwónow Berlin z. t. (Friedensglockengesellschaft), Johannes Oehler, zastupnik Mjazynarodneje kampanje za zakaz atomowych bronjow (ICAN), Marlene Block, wótpósłana Lěwicy w krajnem sejmje Bramborskeje, Jörg Schindler, zwězkowy jadnaŕ Lěwicy a Jochen Schmidt, cłonk bazisodemokratiskeje Měroweje biblioteki/Antiwójńskego muzeja pśi Ewangelskej cerkwi Berlin-Bramborska a šlazyńska Górna Łužyca (EKBO).