Blisko Miłoraza/Wochožańskeje jamy. W pśedslědnem Casniku (11/2016) smy pisali wó kupce „Lautonomia“, kótaraž rowno wobsajźijo bomy w góli blisko Miłoraza. Flackoju se groni „Hipkoc ług“ w Zwěrjatowej zagroźe. Młogi jo se pšašał: kak dłujko budu tam wóstaś abo wóstaś móc? Ceje te luźe su – a co wóni docełego kśě? To jo se Nowy Casnik wopšašaował.
Cogodla su wóni wobsajźili bomy we wobgrozonej góli? Na taku wašnju, su gronili, njejo to za Vattenfall móžno, na tom flacku nadalej bomy rubaś a gólu [rodowaś]. Togodla jo ta akcija za tych luźi legitimna – legalna ale njejo. Togodla lice te młode luźe z tym, až budu wupórane wót firmy Vattenfall abo policaje. To je pak njewóttšaśyjo. Weto kśě se prědk glědaś a njekśě se na pśikład wótmólowaś daś. Togodla tež my njamóžomy fota wót nich pśinjasć.
Nejžpjerwej pak maju swój pokoj. Tym platformam, kótarež južo něnto maju w bomach, rowno dalšny „bomowy dom“ dodaju. Pśisamem w měrje twarje a žywe su. Jěza a dalšne pótrěbnosći pśinjasu jim (nam njeznate) luźe.