Z Janšojc/Jänschwalde. Ellen Lehmannojc jo se naroźiła dnja 26. julija 1950 w Baršću – a jo ze žywjenja wujšła w Barlinju dnja 1. měrca 2016. Lětosa by wóna – ta z wótbagrowaneje Wusokeje/Weißagk póchadajuca tekstilna wuměłcowka – swójo 70. žywjeńske lěto zešwyrnuła. K wopomnjeśu na nju su swěśili w małem krejzu jeje 70. narodniny, njeźelu 26. julija, a to w brožni Serbsko-nimskego domowniskego muzeja w Janšojcach.