Wót 4. do 6. měrca togo lěta jo se we bramborskem měsće Eberswalde tśi dny dłujko z głosom spiwało a muzicěrowało. Tak ako pó južo dłujkej tradiciji su tam wugótowali Dny choroweje a orchesteroweje muziki, a to za cełu Nimsku. Wobźěliło jo se tenraz dogromady 46 chorow a orchestrow z wušej 1200 spiwarjami a gercami. A to njejsu byli profije, ale wšykno amatery, kótarež su tam na 11 wšakich městnach wokoło 6000 pśiglědari rozwjaselili z młogimi pisanymi programami. Wustupili su mjazy drugim w šulach, muzejach a teke w cerkwjach.
Docełego prědny raz jo był na toś to wažne kulturne zarědowanje pśepšosony serbski chor – ga znaty chor „Łužyca“. To jo była wjelika cesć za spiwarki a spiwarjow, a wóni su z wjaselim pśiwzeli to pśepšosenje.