Z Gubina/Gubin. Młogim jo se tak šło w tych pśisamem tśich mjasecach, źož smy byli dla teje korony zawrěte: Su pytnuli, co jim wjelgin felujo, ale rowno tak su zwěsćili, až to abo druge zewšym njetrjebaju. K tomu prědnemu su słušali direktne kontakty z Pólskeju, woglědy k susedam, kótarež njejsu byli do srjejź junija móžne, dokulaž běšo Pólska swóju granicu k susednym krajam zacyniła. Teke k Nimskej a z tym tež k Łužycy.

Toś: To žycenje, to kśěśe, se zasej wudaś do Gubina, do Łęknice pla Mužakowa abo do Zasiekow za Baršćom, jo było pla młogich bejnje wjelike. Toś jo se ned 13. junija, ako bu granica zasej wótcynjona, wjele luźi wudało do Pólskeje. Tam buchu wutšobnje witane, to zasejwiźenje jo było rědne, což pokažo, kak wuska jo mjaztym ta zgromadnosć mjazy luźimi na wobyma bokoma granice.