Z Lipska/Leipzig. Wjele pompoznych suknjow, wjele machawkow, wjele cylinderow a pśedewšym wjele carnego – to dajo wót 1992 kužde lěto k swětkam w Lipsku, rozmjej na Wave-Gotik-zmakanju (WGT). Z wušej 20.000 woglědarjami jo toś ten muzikowy a kulturny festiwal jadno z nejwětšych zmakanjow alternatiwneje a carneje sceny. To pśinjaso teke městoju Lipsk wjeliki góspodaŕski plus. Ale pśez to, až WGT lětosa korony dla wupadnjo, wótłamju za hotele, kjarcmy, kluby a wobchody w Lipsku nabranki w milionowej wusokosći. A te, ako su se tam wobźěliś kśěli, su se wě kradu wobtužone.