Z Depska/Döbbrick. Źo nakupuju depšćańske, gaž se jim co klěb, guski abo tykańc jěsć? Pla pjakarja, to se wě! Wěcej raz wob tyźeń jim pśijěźo górjańske awto wót Hoffmanojc pjakaŕnje. Wót wałtory do soboty jo to awto ducy, wót zeger 9:00. Luźe južo cakaju na to awto, wšak maju Hoffmanowe wjele stawnych kupcow.

Jim pśedawa Mušyc Sabine, a to mjaztym južo źaseś lět. Teke za nju jo wšykno pitśku hynac w casu korony. W górjańskej pjakaŕni kupce glědaju na wótstawk, to wordujo teke kontrolěrowane wót amtow. A hyšći něco drugego jo hynac: Luźe we jsach kupuju wjele wěcej ako w normalnych casach: „Wjele luźi ga jo doma, korony dla. Tak nakupujo klěb wót togo awta, ako pśijěźo jim pśisamem do źuri. W slědnych tyźenjach jědu pśisamem pśecej domoj z proznym awtom, wšykno jo rozpśedane. Telik gor njamóžomy wupjac, ako luźe kśě měś!“