Z Depska/Döbbrick. Wucba na depšćańskej šuli, kótaruž su 1898 natwarili a 1959 pśetwarili, jo w lěśe 2000 wopśestała, a te depšćańske šulske źiśi muse do šule w Žylowje chójźiś. Ale w slědnych lětach jo zas wěcej žywjenja do „stareje šule“ w Depsku pśišło, pśedewšym dla statkowanja źěłaśeŕskego spomožeńskego zwězka (Arbeiterwohlfahrt) a Domowniskego towaristwa Depsk/Majberk-Škódow z.t. Dla korona-krize tam tuchylu žedne zarědowanja njamógu měś. Ale domowniske towaristwo a wejsna pśirada Depska matej něco na mysli, kak móžotej „kulturny rum“ w starej šuli za cas pó krizy rědnjej a zajmnjej wugótowaś.