Knigłaŕnje su zacynjone, wjelewiki wótpowěźone. Tak jo wuglědało dotychměst dla koronoweje krize w Nimskej. Wót 20. apryla su knigłaŕnje zasej wótcynili swóje źurja za kupce, kriza weto hyšći pśewinjona njejo. Małe nakładnistwa dalej wójuju, až z njeglucneje situacije bźez pśewjelikich financielnych zgubjenjow wujdu. Njemóžnosć se na Lipšćańskich a dalšnych wjelewikach wobźěliś jo do wjelich nakładnikow mócnje deriło.