Pilnym lazowarjam Casnika jo wón južo znaty: ten 60lětny „hochoski matroza“, łoźownik Wolfgang Lotra, kótaryž južo 13 lět słužy na drogowaŕskej łoźi „AIDA diva“. Wón jo nam južo pór razow wulicował wót swójich rědnych dožywjenjow na mórjach cełego swěta. Ale we casu korona-krize jo wšykno hynac. Teke za takego łoźownika, kótaremuž młogi wejsnaŕ howac take swětowe drogowanje na luksus-łoźi mógł zawiźeś. Georg Zielonkowski, ak jogo wót lěta 2007 derje znajo, jo jogo telefoniski „załapił“ na jadnom měsće, ako we drogowaŕskem planje jogo łoźi za lěto 2020 zewšym njestoj!
Nowy Casnik: Halo, Lotti, źo ty rowno sy?