Z Huraza/Auras. Clemens Passeck jo w skjarbošcańskem (Schorbuser) gmejnskem źělu Huraz doma. Wót źewjeś lět how ze swójeju žeńskeju a ze swójimi styri źiśimi bydli. Na kšomje trajdowišća (Getreidefeld) a z wjele sadowymi bomami we wokolinje, jo wón how hobby swójogo źiśecego casa nowo wóžywjeś mógał.
Pla swójogo nana Jürgen jo wón pcołkaŕstwo póznał. Pówołanje a familija pak stej wjele jogo casa zabrałej, a jogo rozpalenje (Leidenschaft) jo do slězyny pśišło, teke dla togo, až w Chóśebuzu jadnorje njejo móžno było, se tej zaběrje pśiwobrośiś.
Ale pó pśeśěgu do jsy, do Huraza, jo Clemens Passeck se k pcołkaŕstwoju wrośił. Jo se cłonkow pcołkaŕskego towaristwa Drjowk/Nowe Wiki (Drebkau/Neupetershain) wó radu pšašał a sebje zasej pcołkowe ludy kupił. Wót togo wón swóje wule (Bienenstöcke) głownje we wokolnosći sadowych bomow stojece ma. Jano jadno stajnišćo pśi rěpikowem pólu jo pitśku dalej wót jogo doma.