Z Bórkow/Burg. Jo to tuchylu měsćanarjam hyšći zakazane, se wudaś něźi do zeleneje natury? Na pśikład do bliskich Bórkow abo Błotow? Wóstańśo doma – to kuždy źeń wót zajtša do wjacora słyšymy. Tych wustajenjow a pśikazow jo k tomu wjele, kuždy źeń nowych a pśidatnych. Na jadnom boce dejš doma wóstaś we twójom bydlenju, na drugem boce pak śi samo kanclaŕka do rady dajo, se pógibowaś wence w naturje a póžedaś za fryšnym powětšom, za nalětnym słyńcom. To se wě, sam abo gromaźe z jadneju drugeju wósobu abo z familiju ze źiśimi. A pśecej dwa mejtarja [ale pópšawem 1,5!] zdalonej. To jo wšykno pšawje.