Jadna wót wósymich kórtow z unikatnymi wejsnymi mjenjami, kótarež wustupuju jano na staroserbskem a staročeskem teritoriumje, za wuznaśim Wenzela wěsta wopokazń, až Słowjany su do stronow pśi Łobju a Soławje pśišli pśez Česku. 
Prědne Słowjany, kótarež su we 5. a 6. stolěśu se wusednuli we stronach pśi Łobju a Soławje (Saale), su pśišli z Českeje a Morawskeje. To se wuznajo z nejstaršeje warsty wejsnych mjenjow ‒ pišo mjenjowědnik Walter Wenzel we swójich nejnowšych, 300 bokow tłustych knigłach „Die slawische Besiedlung des Landes zwischen Elbe und Saale ‒ namenkundliche Studien“. Te same su pśed krotkim wujšli w nakładnistwje baar.
sobota, 27.04.2024
