Z Majberka/Maiberg. 24 pórow a pěś źiśi jo śěgnuło na kóńcu tyźenja pśed dwěma tyźenjoma pśez tu wjas. Młoźina a dorosćone swěśe zapust na Majberku južo wjele lět gromaźe. „Na zapusće zmakajo se wu nas ceła swójźba“, jo nam wjele Majberskich zjadnje wobwěsćiło. Prědny pśikład jo ned k ruce – Annett Starrowa z Barlinja, ak ma majberske kórjenje: „Ja pśecej hyšći woglědaju rada na Majberk“. Greta a Matilde Hummelojc z Chóśebuza stej z mamu a nanom pśišłej na Majberk, aby ako źiśi sobu gótowałej. Matilde ma pśijaśelku na Majberku: tejerownosći šesćlětnu Friedu Heynojc, ako bydli tudy ze starjejšyma Kathleen a Steffenom.