Z Chóśebuza/Cottbus. Serbska rěc jo za Luboraskeju gólu, we połnocnem źěłu Dolneje Łužyce, dawno wumjelknuła. Kake slědy pak jo wóna tam zawóstajiła a kake wopokazni serbskeje zachadnosći se tam namakaju – tomu pšašanjeju stej se pśiwobrośiłej dr. Alfred Rogan a Tobias Preßler we nejnowšem zešywku rěda „Pódstupimske pśinoski k Sorabistice“. Srjodu tyźeń w Serbskem domje jo dr. Madlena Norbergowa – ako wudawaŕka zešywka – jen zjawnosći pśepodała. Alfred Rogan jo źaržał we połnej klubowni chytšu prezentaciju.