Tužna powěsć jo k nam pśišła: Dieter Redo, lawreat Zejlerjowego myta 2018, jo 10. měrc pó śěžkej chórosći zamrěł.
W slěpjańskej wósaźe jo njabogi wjele zasłužbow sebje dobył pśi zeźaržanju rěcy, nałogow a tradicijow. Dieter Redoju, naroźonemu 12. februar 1942, jo wósebnje slěpjańska serbska rěc na wutšobje lažała. Jomu dejmy se pśedewšym źěkowaś za to, až jo ze swójimi zběrkami a zapiskami kurs tudskeje rěcy iniciěrował.
Wón jo južo ako dwanasćolětny gólc chopił ludowe spiwanja zběraś a zapisowaś. Pózdźej, ako jo k luźam chójźił šlachtowat, jo wót 1950tych do 70tych lět nazběrał wó 60 dalšnych slěpjańskich spiwanjow. Mimo jogo źěła by to derbstwo na pśecej zgubjone było.