Pśiducy pětk, 13. měrc, zeger 19.00 w klubowni Serbskego domu w Chóśebuzu buźo zjawna prezentacija drugego, rozšyrjonego wudaśa „Słownika dolnoserbskich zelowych, gribowych a lišawowych mjenjow“ z pjera Jensa Martina dr. Heinza-Dietera Krauscha.

Južo to prědne wudaśe 2012 jo spórało wjeliku licbu ludowych mjenjow za wěcej ako 500 družynow na swětło. Ta zběrka jo rezultat njezmucnego zběranja mjenjow pśez awtorowu we cełej Dolnej Łužycy.

Za toś to 2. pólěpšone a rozšyrjone wudaśe stej awtora hyšći wěcej informantow nejstaršeje generacije w našych jsach namakałej a wopšašałej a dalše, dotychměst njeznate literariske žrědła wuslěźiłej. Wokoło 60 „nowych“ družynow dopołniju tu zběrku. We wósebnych padach su se wobswětlili tradicije pomjenjowanja a wužywanja zelow we daloko roztyl lažecych krajach abo pśez dłujcki cas.