Gołkojce/Kolkwitz. Zeleznicowa cera wót Barlinja do Chóśebuza dej se połnje z dwěma kólejoma wutwariś. Slědny tyźeń pónjeźele jo se pódpisało dogrono za financěrowanje tych notnych planowanjow. W Lubnjowje stej pódpisałej bramborska ministarka za wobchad Kathrin Schneider a Joachim Trettin wót Nimskeje zeleznice (DB). Planowanje dej w prědnej a drugej fazy 2,4 milionow płaśeś, tu sumu pśewzejo kraj bramborska. Toś te planowanja deje byś gótowe až do kóńca 2017.
Až do 2011 su wutwarili tu ceru, aby mógali śěgi z 160 km/h jězdźiś. Wót togo casa jězdźe dwójc tak wjele luźi z tym śěgom. Nowa wutwaŕ dej tu ceru hyšći aktraktiwnjejšu gótowaś, wósebnje glědajucy na śěgi do Pólskeje a na nakładne śěgi.