Z Dešna/Dissen. Pósłańc republiki Kolumbiska Hans-Peter Knudsen a jogo sobuźěłaśeŕka Paula Sanmiguelowa stej gano na pśepšosenje landrota Haralda Altkrügera pśišłej na woglědy do dešańskego muzeja. Wón słuša k tym wjelim woglědarjam z Nimskeje a drugich krajow, ak su wordowali we slědnych 12 mjasecach tudy ako gósći licone. Jo, nagromadu 12.000 woglědarjow jo muzej łoni měł: wóni su woglědali wobstawnu wustajeńcu abo jadnu tych wósebnych wustajeńcow abo tu wjasku Stary Lud abo pśišli na jadno tych tšojenjow, ako muzej jo organizěrował. Wěcej ako stwórty źěł teje licby su źiśi a klase wuknikow. „Na ten part staramy se wó woglědarje we pśichoźe“, jo pisała wjednica muzeja Babette Zenkerowa we lisće na cłonki spěchowańskego towaristwa.