Tobias Dünow (drugi wótpšawa) jo se ako nowy zagronity za nastupnosći Serbow w Bramborskej na pósejźenju pśedstajił. 
Z Pódstupima/Potsdam. Wałtoru tyźeń jo se wótměło we tom lěśe prědne pósejźenje Serbskeje rady w krajnem sejmje Bramborskeje. Pó serbskich a nimskich póstrowjeńskich słowach pśedsedaŕki rady, Kathrin Šwjelineje, jo se pśedstajił nowy krajny zagronity za nastupnosći Serbow Tobias Dünow, kenž wót 17. decembra toś ten amt zastoj. W dalšnem wótběgu jo dało wjele informacijow, pśedewšym nastupajucy serbske kubłanje a strukturnu změnu, ako stej nejwažnejšej temje byłej.
Mysli se, až Nimce mógu wót Serbow wuknuś
