Słowakska – to njejo jano kraj z wjasołeju originalneju dujaŕskeju muziku, z dobrym winom a z knedlami. Ně, tam jo doma teke pisana a bogata ludowa kultura, ludowe wuměłstwo: spiwy, reje, muzika, drastwy a wejsna architektura. To wšykno namakajoš we wšych tamnych regionach, w kuždej tšochu hynac. Blisko města Žilina a Małeje Fatry (wó njej sćo mógali w slědnem tyźenju w Casniku cytaś) stej dwě burskej jsy, ako stej we cełem kraju a teke pla turistow wjelgin znatej a woblubowanej. Pśecej se tam wósebnje w śoplejšem casu mjerwi z woglědarjami a gósćimi.