Wót wšyknych kupkow Towaristwa serbskich rybakarjow Bórkowy a wokolina maju bórkojske rybakarje nejwěcej gluki. Pśeto wóni bydle srjejź Błotow, a maju pśed źurjami swójeje wjaže pšawy labirynt rěkow, tšugow a groblow, kótarež druge mógli jim zawiźeś. Kupaŕska kupka ma 30 cłonkow, a pśisamem wšykne wót nich su górjej rosli we familijach, źož muske su wót starodawnych casow do rybow chójźili a se wót rybow-łojśa žywili. A wšykne maju serbskich starych starjejšych.

Prědkstojaŕ teje kupki jo Alexander Wach (39), wón bydli na Kupach, na dwórje, ak jo derbnuł wót swójogo starego nana bratša, ned pśi Kukawic tšuze. Casnik jo se rozgranjał z nim a z Oliverom Lehmannom (38) z Wobsednych Bórkow, synom pśedsedarja rybacnego towaristwa Siegmunda Lehmanna.