Chtož se mysli, až jo taka kura wjelgin rědny a měrny cas, ten se móli! Gaž tamkor do Pieštanow pśiźoš – wšojadno, lěc z lětadłom až do Wiena, pón z taksu dalej, lěc ze śěgom až do českego Breclava, a pón dalej z taksu, abo z awtom abo busom –, njedostanjoš jano kluc za twóju śpu, ale teke ned łopjeno z twójimi prědnymi terminami a nadawkami. Ned ten samy abo pśiducy źeń zajtšo caka na tebje gójcowka abo gójc, aby tebje pśepytowali a wupšašali, kake śěžkosći a chórosći maš. Na to se pón zestajajo twój program. To cyni, to se wě, computer, a tak wěš južo poł góźiny pózdźej, kake medicinske „akcije“ na tebje cakaju. Kuždy źeń jo jich to styri abo pěś, tak až sy wušej 50 raz na rěźe, kuždy raz nanejmjenjej 20 minutow dłujko. To groni, we dwěma tyźenjoma dogromady 17 góźin. Jano njeźelu maš liche.