Swóju premjeru jo nowa CDeja Schlagwort: Wen­disch měła pśed dwěma tyźenjoma w Serbskem domje. Komponist Sebastian Eli­kow­ski-Winkler jo we połnej klu­bow­ni wulicował, kak jo se ta ideja za wudaśe CDeje wukluwała. Wón jo ako muzikaŕ pytał we archiwach nowe ideje za serbske kompozicije. Titel CDeje Schlagwort wendisch ma direktnje z tym pytanim cyniś. Pśeto zběrki w archiwach su pśecej wopisane z pomocu klucowych słowow. Chtož co namakaś serbske dokumenty, musy pytaś za słowom wendisch. A pśi tom jo wón na­makał wjele fa­sci­něrujucego ma­teriala, kótaryž njedejał mimo wužytka w zaprošonych archiwach tłaś, ale lubjej do ludu pśiś. Tuchylu ma jogo telik namakanego, až jo ned pśipowěźeł, až budu skóro drugu CDeju wudaś.