Wobalka CDeje. Na njej jo wiźeś (slězy) załožaŕ a wjednik zukowego archiwa w Barlinju Wilhelm Doegen. Ta tšubała słužy górjejbranjeju zukow. 
Zgubjony pjeršćeń
Źowćo źěšo pó wódu
do běłego jazorka,
hopsasa, tralala
do běłego jazorka.
Prědnu banju pócrěła,
pjeršćeń nět jo pušćiła.
Luby kónje napował,
Pjeršćeń zasej namakał.
(...)
(prědne spiwanje na CDeji, z lěta 1907, spiwa Christiana Marakowa (Marrak) z Bórkow
Śišćanych medijow z casa pśed 100 lětami dajo wjele: stare pratyje, casniki, spiwarske a wjele wěcej. Co pak jo ze zukom? Zukowe medije ga eksistěruju tejerownosći dłujko. Su se niźi originelne serbske głose z togo casa na zukowych medijach zeźaržali? Jo. Něnto jo komponist Sebastian Elikowski-Winkler taku drogotku lubowarjam serbskeje rěcy wobraźił. Rozmjej, wón jo zestajał nowu CDeju z historiskimi zukowymi dokumentami. Jeje titel zni Schlagwort: Wendisch. Nejstarše tych nagraśow su wěcej ako 100 lět stare.
