◆ Grodk/Spremberg: Wót 13. do 15. decembra móžośo woglědaś na Grodkojske adwentske wiki, ako maju teke kumštne šuflitowanišćo bitowaś. Wósebnej wjeraška buźotej naceśe kołaca (Stollenanschnitt) ze šołtowku Christine Herntier pětk zeger 15:30 a 16. Grodkojska noc warjonego wina sobotu wjacor.

◆ Picnjo/Peitz: Wót 13. až 15. decembra móžośo w Picnju pśi twardnicowem tormje gódowne wiki z wjelerakim programom dožywiś. Na pśikład wustupiju tam pětk zeger 15:00 wukniki zakładneje šule z Janšojc z gódownym programom.

◆ Lubnjow/Lübbenau: W lubnjojskem starem měsće budu wót 14. až 15. decembra gódowne wiki. W jich ramiku móžośo se wót Małego pśistawa „Am Spreeschlösschen“ na adwentske źiwadłowe cołnowanje wupóraś. Za to wzeju 25 eurow, za źiśi pód 11 lět 10 eurow.

◆ Bórkowy/Burg: Sobotu, 14. decembra, buźo we Bórkowach wót zeger 14:00 až 20:00 „Adwent na dwórach“ z lichym zastupom. W drastwowej wušywaŕni Dziumbla buźo k tej góźbje tek Marga Morgensternowa gódowne tšojeńka „pód drejbomom“ wulicowaś.