Z Chóśebuza/Cottbus. Pó jadnom lětu jo měsćańska Domowinska kupka kazała zasej na „Cytanje pód lampu“ – literarny wjacor w bibliotece Serbskego domu. Moderator Bernd Pittkunings, sobuźěłaśeŕ biblioteki, jo na njen pśepšosył tu nejwěcej płodnu basnikaŕku młodeje generacije: 28-lětnu Jill-Francis Ketlicojc z města, znatu teke pód basnikaŕskim mjenim Źilka. Wóna jo prezentěrowała basni, mjazy nimi někotare hyšći niźi njewózjawjone.