Take něco njejo se hyšći žednje stało w dłujkej historiji Domowniskego muzeja w Dešnje. 7. februara su wótwórili nowu wósebnu wustajeńcu, ale ten luź, ako se we njej pśedstaja, njejo był pódla! Jo to znaty serbski fotograf Gerald Große, kenž jo musał bóžko ten źeń doma wóstaś w měsće Wien małeje operacije dla. Ako pak jo Casnikoju pśez telefon gronił, jo wšykno zasej w nejlěpšem rěchu. Jo wjelgin woblutował, až njejo mógał pśiś do Dešna, wósebnje togodla, dokulaž jo južo cesćej w tej jsy to a druge wótmólował.