Su pśeśiwo brunicy protestěrowali

Awtor: Stefanie Krawcojc stwórtk, 05. december 2019
Pětk jo pla „Fridays for future“ 300 luźi demonstrěrowało. Foto: S.K.

Z Města a z Janšojc/Cottbus und Jänschwalde. W pśedpólu 25. Swětoweje klimoweje konference su pětk na cełem swěśe demonstrěrowali, pód motom „Fridays for future“ (pětki pśichoduju). Pominali su, aby politikarje wěcej źěłali pśeśiwo rozgrěśu zemje. W Nimskej su protestěrowali w 520 městach a jsach, teke w Chóśebuzu. Połdnjo jo se jadnab 300 luźi zmakało pśed źiwadłom. „Zelena kapała“ jo grała, nowy promšt chóśebuskego cerkwinego wokrejsa Georg Thimme jo powědał a Tracy Neumann, grajaŕka w graśu „Greta“ w źiwadle „Piccolo“. Powědał jo teke Renej Šuster wót Zeleneje Ligi. Wón jo na brašnu klimowu politiku pokazał, a na to, až jasny plan za wótstupjenje wót wudobywanja brunice dej byś za Łužycu. Wón měni, až oligarchy w Praze (měnjonej stej Daniel Křetinský a Petr Kellner wót holding EPH) wójuju wó wjelike wótnamakanje a matej wěcej wliwa na milinaŕnje a jamy wu nas ako kněžaŕstwje w Podstupimje a Drježdźanach. Demonstracija jo pótom śěgnuła pó měsće.

artikel pógódnośiś
(0 )
Pšosym zalogujśo se, cośo-li komentar dodaś
 

Pśiźo k Wam do domu z postom
abo roznosowaŕ Wam jen pśinjaso

  • nejnowše powěsći wót serbskego žywjenja
  • tšojenja, reportaže, portreje, měnjenja
  • ze serbskich jsow a z města
  • wót 26,40 € na lěto

Nowy Casnik skazaś


połny pśistup za Nowy Casnik online a za e-paper

  • cełe wudaśe k lazowanju online
  • archiw slědnych wudaśow
  • fotografije woglědaś, artikele komentěrowaś
  • wót 14,40 € na lěto (za abonentow śišćanego wudaśa jano 9 €)

Nowy Casnik online skazaś