Nic licba wuzwólowarjow, ale licba kandidatow, z kótarychž wuzwólowaŕ móžo wuzwóliś, jo za mnjo pšawa měra za raźenje wuzwólowanja Serbskeje rady. Pśed styrimi lětami sy měł jich wósymjoch, něnto pak jano šesćoch. Gaž glědaš na to, až we Serbskej raźe maš pěś městow, ga wěš južo zaprědka ‒ pśisamem kuždy pśiźo nutś. Wjele k wuběranju stakim njejo, a hyšći mjenjej, gaž maš pěś głosow k rozdźělenju. Z humorom móžoš swóju mysl wobzamknuś: Wjele wuźěła a proce we cełem lanźe, aby gronili jadnej paršonje, až njebuźo wuzwólona.