Z Chóśebuza/Cottbus. Ako Źěłanišćo za serbske kubłańske wuwijanje Chóśebuz (ABC) pišo, jo stwórtk 12. septembra było jich prědne słužbne wobradowanje w nowem šulskem lěśe. We prědnem źělu jo Uwe Mader pódla był, wót awgusta nowy wjednik statnego šulskego amta w Chóśebuzu. Sobuźěłaśeŕki ABC su rozpšawjali, kaki material jo se naźěłał a kake projekty su se w slědnem lěśe wuwili. Na něźi 30 wšakich projektach źěła w toś tom šulskem lěśe dwanasćo sobuźěłaśeŕkow z wjelgin rozdźělnym casowym kontingentom. Z nich źěła sedym zrownju w aktiwnej šulskej słužbje.
Źěło a zagórita angažěrowanosć sobuźěłaśeŕkow ABC stej Uwe Madera pśeznaniłej. Wón jo chwalił póśěžownosć a wjelicne źěło sobuźěłaśeŕkow ABC a jo swóju kooperacisku zwólniwosć pśilubił.
Pó rozžognowanju z wjednikom statnego šulskego amta su wšykne sobuźěłaśeŕki pśedstajili swóje běžne projekty a nadawki a su wó jich realizěrowanju diskutěrowali. Wušej togo jo se powědało wó idejach za wabjenje pśichodnych ceptarjow a sobuźěłaśerjow.
Mino jo kumpan wuknjecych