Kórta Rubyna z lěta 1735 (wótmólowany wurězk z kórty Feldmarken Papitz und Ruben kol. Hz., Mahistre 1734-1735) ze wšyknymi wobsednikarjami a jich znamjenjami. Toś te znamjenja su se wužywali mjazy drugim na gruntowych kórtach. Dwór bura Lutoški jo teke póznamjenjony. Kreslił: Rolf Radochla 
Z Českeje jo k nam pśileśeł list z wósebneju pšosbu. Ute Michelowa ze jsy Brtniky (10 km za granicu pla Sebnitz), z rodom z Dolneje Łužyce, pšosy naše lazowarje wutšobnje, aby jej pomogli zestajaś genealogiski bom. Wóna pyta za wóścami a njeznatymi dalokimi swójźbnymi swójeje mamy, roźoneje Lutoškojc. Ta sama buźo swěśiś skóro swój 85. narodny źeń, a Ute Michelowa co jej napisaś a pósćiś knigły, źož buźo historija cełego Lutoškojc rodu w Dolnej Łužycy wobswětlona.
Nejstarša wěsta wopokazń jich direktnych wóścow namakajo se w cerkwinych knigłach starodarbnjańskeje wósady (Altdöbern) a jo z lěta 1735. Tam jo zapisane mě Matthes Lutoschka a teke mjeni jogo starjejšeju:
George Lutoschka sen. gebohren zu Strado(w) bei Vetschau, Mutter Elisabeth ist 70 Jahre alt, itzo ad. 1735, gebohren zu Briesen [?? njejo wěste, lěc jo pšawje wulazowane] starb den Freitag vor Invocacit Montags 1736, ist mit Abdankung begraben.
