Wiolinist Jozef Farkaš se derje cujo w orchestrje Serbskego ludowego ansambla. Ten 59lětny w Bratislavje roźony Słowak pśeraźijo mě pśi naju zmakanju, až buźo to lětosa w awgusće 40 lět, až w SLA pśi-stajony ako muzikaŕ jogo orchestra. „40 lět njejdu pśi mnjo jano tak mimo. Skerjej su znamje za to, až se w orchestrje derje cujom, až jo to mójo žywjenje.“ Jozef Farkaš jo se do serbskeje kultury, do serbskeje muziki dłymoko zanurił, se do njeje zalubował. Smějo wót sebje samo groniś, až se kaž Serb cujo. We tych něnto pśisamem 40 lětach mějašo wón w SLA rědne dožywjenja, ale jo tež sobu pśetrał śěžke case, ako jo šło wó dalšnu eksistencu serbskeje kulturneje institucije. „To mě wšykno kšuśe zwěžo ze Serbskim ludowym ansamblom.“ Tak jo w Budyšynje namakał swój domacny schow, swóju domownju.