Wót lěta 2015 cesći Rěcny centrum Witaj (RCW) młodostnych, ako su se angažěrowali na pólu serbskeje rěcy a kultury, a pšosy jich na cołnowanje pó Chóśebuzu. To lětosne cesćenje jo se stało pśedslědne pónjeźele. Wucesćili su Šarlotu Kušcyc z Dešna, Sophie Meßerojc ze Žylowa, Annu Zachariasojc ze Žylowa, Schultchenojc Tiffany z Bórkow a Jonasa a Lee-Anne Schellschmidtojc ze Žylowa. Ta slědna wót nich njejo na tom dnju mógała pódla byś. Wóna póchada ze Žylowa, jo 22 lět młoda a wuknjo rowno ako Witaj-wótkubłaŕka. Naraźenje za take cesćenje móžo kuždy wótedaś, kužda institucija, towaristwa a jadnotliwe luźe.