2007 stojašo wón tam na Połudnjowem zakopowanišću w Chóśebuzu dnja 24. apryla pśi tom zarosćonem rowje, ako spominachmy na jogo starkego Fryca Rochu, kenž bu tudy prědk 65 lět zakopany. Tencas hyšći lazujobny kamjeń dajo k wěsći, až wótpocywatej tuder manźelskej Friedrich Rocha (1863-1942) a Hedwig Rocha (1880-1968). Pó mysli Domwiny zadłypa se pózdźej pód tym Fryco Rocha, serbski ceptaŕ a literat.

Stojašo zrownju pśed rowom swójeju starjejšeju. Prězy dostojnego kamjenja z pěskowca lažašo nalěwo dołojce mały běły kamjeń z datami: Werner Rocha (1907–1995) a Dora Rocha (1901–1994). Pózdźej jo Peter ten kamjeń wurył a wuwjadł do swójeje jsy Tremsdorf/Nuthetal. Roztyla dla? Lěc njejo kśěł nikula wěcej how stojaś? Lěc njeby kśěł tudy raz lažaś, lubjej tam blisko něntejšnych swójźbnych? – Njewěm.