Z Chóśebuza/Cottbus. Zagronita za nastupnosći Serbow pśi bramborskem kněžaŕstwje dr. Ulrike Gutheilowa jo pśijěła do města Serbam bóžemje gronit. Rozmjej, wóna buźo z kóńcom něntejšneje legislaturneje periody z amtu stupiś. Na tom rozgronje ze zastupnikami serbskich institucijow jo wóna serbskej zjawnosći pśepowdała rezultaty diskusije JozaTebje!, se naźejucy, až wóni budu pomogaś serbskemu zgromaźeństwu plan a strategiju za rewitalizaciju serbskeje rěcy wuźěłaś. A teke jaden drugi „dar k roztylahyśu“ jo se Serbam dostał: Wupisanje nowego myta (how: Preis) za angažement na pólu serbskeje rěcy!