Septemberske wudaśe kulturnego casopisa Rozhlad jo wujšło. Co móžo dolnołužyski lazowaŕ we njom namakaś?

Maksimilian Hasacki z Dešna rozkładujo we rubrice glědanje ideju serbskeje zakładneje šule, źož Witaj-źiśi dejali wuknuś pó metoźe imersije serbsku rěc dalej. Jogo mysl: To jo jadnučke rozymne rozwězanje za dłujkodobnu rewitalizaciju serbskeje rěcy. Pśipódla gronjone: Źinsa (stwórtk) buźo k tej temje Serbske blido z Maksimilianom Hasackim – glědajśo do zapiska terminow na 7. boce!