Z Mósta/Heinersbrück. Zachadnu sobotu su w Mósće swěśili žnjowny swěźeń. To jo był pó tradiciji to łapanje kokota, dnja 31. awgusta. Ten raz su měli rejtarje wósebne pógónjenje: Chtož se grapsnjo głowu kokota, buźo pśi superkokośe nastupiś. To wósebne na tom jo, až mósćański Lorenz Pawlik jo se łoni dobył titel superkrala. Prědny raz w historiji jo mósćanaŕ był prědny krala na superkokośe! Stakim buźo ten wjeliki swěźeń lětosa w Mósće, a titel kśě tudejšne zašćitowaś.

Za wjelesymi rejtowańskimi góźinami su byli młode muske młoźiny pśigótowane, se do wuběgowanja daś. Teke pśigót swěźenišća a twarjenje wrotow jo słušał k nadawkam. Młode žeńske su za kokot tśi dny dłujko wšake pśigótowali: su wrota, wěnce a kronu wili a wšykno pyšnili. Tykańce su „pśipódla“ pjakli, tek w zajtšnych góźinach.