Su załožyli serbske familijowe towaristwo

Awtor: Gregor Wieczorek stwórtk, 22. awgust 2019

Z Chóśebuza/Cottbus. Stwórtk tyźeń jo se załožyło nowe towaristwo z mjenim Serbske familijowe towaristwo „Gromaźe“. Wóno jo sebje wustawiło slědujuce cele: serbske kubłanje źiśi a młoźiny mócowaś a pódpěraś, serbsku rěc a kulturu we familiji spěchowaś, nowe rěcne rumy twóriś a pomogaś, aby familije kontakty mjazy sobu źaržali a zgromadne aktiwity we wólnem casu organizěrowali.

Na załožaŕskej zgromaźinje jo se wobźěliło źewjeś luźi. Za pśedsedaŕku su wuzwólili Francisku Albertowu z Wjerbna, za zastupnego pśedsedarja Gregora Kliema z města, a za móšynaŕku Carolu Schulzowu z Wjerbna. Wó załoženje takego towaristwa jo se teke Stefanie Krawcojc mócnje pilnowała.

Towaristwo wóstanjo njezapisane a ma wótglědanje Domowinskej župje Dolna Łužyca pśistupiś. Na dalšnych wustawkach se hyšći źěła.

K jich prědnym projektam buźo słušaś pśidatna wucba za źiśi we serbskej rěcy. Prědne rozgrono ze Šulu za dolnoserbsku rěc a kulturu dla teje wěcy su južo wjadli.

artikel pógódnośiś
(0 )
Pšosym zalogujśo se, cośo-li komentar dodaś
 

Pśiźo k Wam do domu z postom
abo roznosowaŕ Wam jen pśinjaso

  • nejnowše powěsći wót serbskego žywjenja
  • tšojenja, reportaže, portreje, měnjenja
  • ze serbskich jsow a z města
  • wót 26,40 € na lěto

Nowy Casnik skazaś


połny pśistup za Nowy Casnik online a za e-paper

  • cełe wudaśe k lazowanju online
  • archiw slědnych wudaśow
  • fotografije woglědaś, artikele komentěrowaś
  • wót 14,40 € na lěto (za abonentow śišćanego wudaśa jano 9 €)

Nowy Casnik online skazaś