W Hochozy/Drachhausen: Zeger 13.30 budu kokotarje se zmakaś slězy cerkwje. Zeger 14.00 budu na łuce we jsy nejpjerwjej źiśi ze źiśownje Tyca swój kokot pśewjasć, pótom buźo młoźina kokota łapaś. Graś budu Picańske gercy. Zeger 18.00 buźo disco z DJom Uwe.

W Janšojcach/Jänschwalde: Łapanje kokota buźo se zachopiś zeger 14.00 na łuce mjazy Jsu a Pipanojcami. Źowća budu teke žaby wózyś. Pśiglědarje budu móc woglědaś teke stare trjekarje. Graś budu Błośańske tšubarje. Wjacor, we stanje na jsy, buźo wjelika reja a party we jadnom, což se naglěda zrownju ako zachopjeńk wjelikego dujaŕskego swěźenja, ako buźo tudy na drugi źeń (glej terminy zwjercha). Discothek Orpheus a gercy Hoizblechmusi z Tyrolskeje budu graś! Zastup za reju płaśi 6 €.

W Strobicach/Ströbitz: Tudy buźo młoźina kokota łapaś na Grünbergojc łuce naprěki teateroweje brožnje (Głowna droga 39), zachopjeńk buźo zeger 14.00. Wót zeger 15.00 buźo sajźiś tykańc a kafej.

Glědajśo: Kokot w Mósće buźo dwa tyźenja pózdźej, sobotu, 31. awgust.