W Turjeju buźo lětosa jubilejny kokot. Pětk, 9. awgusta buźo pśedprogram. Wót zeger 16:00 buźo zachopjeńk zmakanja „simsonow“ (motorskich) a motorske wuběgowanja. Wjacor buźo wót zeger 20:00 disko w stanje pśi kjarcmje „Landgasthof“.

Sobotu, zeger 10:30, budu stajiś wrota, muzika buźo teke. Zeger 13:00 budu wumaršěrowaś na swój 40. kokot. To buźo wjeliki pśeśěg wót pódwjacornego Turjeja do pódzajtšnego Turjeja. Graś buźo kapała „Lausitzblech“ a Turnojske šwikałkarje. Wót zeger 14:30 buźo kokot a kokot źiśi na łuce pśi sportnišću. Wjacor buźo reja w swěźeńskem stanje.

Sobotu, 10. awgusta, łapaju w Běłej Górje kokota. To buźo wót zeger 14:30 blisko kisoweje jamy (Kiesschacht) we jsy. Rejtarje budu łapaś kokota, a źowća a gólce změju graśa, budu gnaś z jajami a na kołach hyś. Teke kokot źiśi buźo. Wjacor buźo reja na samskem městnje, pód gołym njebjom. Na tom městnje buźo njeźelu „Źeń towaristwow“. Tu buźo spódobny źeń, zachopiś budu zeger 13:00 ze zajtšnem piwom.